Нийслэлийн мэдээлэл зүйн олимпиадын бодлогууд ба бодолтууд (2009-2010, 2010-2011 оны хичээлийн жил)

Энэхүү номыг 2011 онд гаргаж байсан бөгөөд одоо хэвлэгдсэн ном гар дээр ганцхан үлдсэн тул онлайн хэлбэрээр байршууллаа. Алгоритм, програмчлал сонирхогчид, олимпиадад бэлтгэж байгаа багш, сурагчдад мэдлэгээ нэмэхэд нь багахан ч гэсэн тус болохыг хичээлээ. Аливаа бодлогын алгоримтыг зохион програмчилж сурах, анализ хийх чадвар нэмэгдүүлэх зорилгоор 2009-2010, 2010-2011 оны дүүрэг, нийслэлийн олимпиадын бодлогуудыг бодолттой нь оруулж бяцхан ном гаргасан билээ. Энэ номын зохиогчоор хамтран ажилласан шавь Г.Чинболд 2010 онд Улсын мэдээлэл зүйн олимпиадаас хүрэл медаль хүртэж Канадын Ватерлоо хотод зохион байгуулагдсан олон улсын мэдээлэл зүйн олимпиадад оролцож байсан билээ. Эдгээр бодлогуудын бодолт, анализыг Г.Чинболд маань хийж, миний хувьд арга зүйн талаас нь ажиллаж өмнө гаргасан "Програмчлалын Си хэлний дасгал бодлогууд" номын бүтэцтэй ижил аргаар тайлбарлахыг хичээсэн юм. Тус блогийг тогтмол хөтөлж чадахгүй тул номын агуулгатай холбоотой асуултад хариулт өгч чадахгүйдээ хүлцэл өчье. Танд амжилт хүсье.

Програмчлалын Си хэлний дасгал бодлогууд

Энэхүү ном нь 2010 онд хэвлэгдэн гарсан бөгөөд одоо номын худалдаанд байхгүй тул онлайн хэлбэрээр байршууллаа. Алгоритм, програмчлалын анхан шатны мэдлэгээ ахиулахад нь багахан ч гэсэн тус болохыг хичээлээ. Тус блогийг тогтмол хөтөлж чадахгүй тул номын агуулгатай холбоотой асуултад хариулт өгч чадахгүйдээ хүлцэл өчье. Танд амжилт хүсье.